Thawhtanni khan Lok Sabha-ah Criminal Law (Amendment) Bill, 2018 pass a ni.

0
387
views

Puan tawh angin he bill hi Indian Penal Code, Indian Evidence Act, 1872, the Code of Criminal Procedure, 1973 leh Protection of Children from Sexual Offences Act, 2012 siam danglamna tur a ni a, kumin April thlaa sorkar laipuiin April thlaa Criminal Law (Amendment) Ordinance a lo pawm tawh a thlak bawk ang. Dan thar hi siam a nih hunah chuan hmeichhe naupang kum 12 hnuailam pawngsuala thiam loh changte chu hrehawm taka kum 20 tang turin emaw, thi turin emaw an chungthu rel theih a ni tawh dawn a, kum 16 chin pawngsuala thiam loh changte lung in tang tura hremna pawh kum 10 a\angin kum 20-ah tihsan a ni a, hei hi dam chhunga tang turin a pawhsei theih bawk a, pawngsuala thiam loh chan tir hrim hrim lung in tang tura hremna pawh kum 7 a\angin kum 10-ah tih san a ni bawk a, hei pawh hi dam chhung atan pawh sei theih a ni bawk. Heng bakah hian dan thar hian pawngsual thubuai reng reng thla hnih chhunga chin fel a phut bawk a, mi pawngsuala puhte tan Anticipatory Bail dil a khap bawk a ni.