Thuneituten Cambridge Analytica dap

0
712
views

Mimal chanchin lakhawma, poiltics thila hman ruk thubuai kal zelah, London khawpuia Cambridge Analytica pisa chu vawiin khan thuneituten an dap. Cambridge Analytica dap tur hia na hma darkar khat velah khan British High Court-ah Information Commissioner Elizabeth Denham chuan phalna a dil a, roreltute thutlukna chu lawmawm a tih thu leh hei hi a bul \anna chauh a la nih thu te a sawi a, finfiahna awm thei ang zawng zawng an lakkhawm tur thu leh ngun taka an zirchian tur thute a sawi bawk a ni.

Mi phalna la lova mimal chanchin \hahnem tak lakkhawm a nih vang hian Twitter leh social media \henkhatah, facebook hmang tawh lo tura insawmna #DeleteFacebook chu a la lar chhunzawm hle a. Tesla car company leh van thengreng lam zirtu company SpaceX neitu, Elon Musk pawhin Facebook-a Tesla leh SpaceX page awm sa a delete ve bawk a, Twitter-a amah zuitute lawm a hlawh hle. Musk hian Facebook a hman ngai loh hrim hrim thu leh a company hmingin page a awm tih pawh a hriat loh thu a sawi a, hei vang hian thil \ha ti ah pawh a inngai chuang lo niin a sawi bawk a ni.