Tleirawl rual 12, football team pakhat ami te leh an coach, Thailand ram puk pakhata tang nia hriatte chu chhan chhuah tuma beih mek a ni

0
364
views

Tleirawl rual 12, football team pakhat ami te leh an coach, Thailand ram puk pakhata tang nia hriatte chu chhan chhuah tuma beih mek a ni.

Heng mi 13 Chiang Rai lam mi te hian puk pakhat Tham Luang Nang Non chu an lut a, puk hi metre 15 vela thuk a ni. Ruahsur avanga tui lianin puk luhna lai a chim tak avang leh hei hi mi pakhat lenna vel chauha zau anih avangin an vai hian puk chhungah hian an tang ta nia hriat a ni a, Thailand national park hotute chuan darkar 24 chhung chawl lova chhanchhuah tuma an beih hnuah pawh harsatna chi hrang hrang an tawh avangin an hma an sawn chak lo hle tih an sawi. Puk chhung hi a thim vek avang te, hmun \henkhatah oxygen a tlem avang te, ruah a sur deuh reng avang te in chhanchhuah hna thawh hi a khaihlak a ni. Heng tleirawl rual leh an coach te hi Inrinni khan an awmna chin hriat lohvin an bo a, chhanchhuah hna thawktute chuan puk luhna bulah hian an hmanrua te an hmuh avangin pukah hian an lut ngei nia ngaih a ni. Defence Minister General Prawit Wongsuwan chuan Royal Thai Navy hnuaia Underwater Demolition Assoult Unit ten puk hi an dap mek tih sawiin, an hlawhtlin ngei a beisei thu a sawi.