Trinamool Congress dintu zing ami Mukul Roy-a’n party chhuahsan

West Bengal-a rorel lai, Trinamool Congress dintute zinga mi, Mukul Roy-a’n vawiin khan an party a chhuahsan. Mukul Roy hi tun hnaiah BJP hotute nen Delhi-ah an inhmu nia sawi a ni a, BJP nen hian an inkawmngeih sawt hle nia sawi a ni bawk a, an party hi chhuahsan tura nawr luih a nih thu leh, rilru hrehawm taka a awm thu a sawi. Mukul Roy-a hian an party-ah a phu anga en a hlawh lo nia sawiin, an party a chhuahsan rual hian Rajya Sabha member a nihna pawh a bansan tur thu a sawi a, Trinamool Secretary General, Partha Chatterjee chuan, Mukul Roy-a hian BJP hruaitute a kawm fo tih hriat a nih thu sawiin, tute emaw a kawm duh chuan khap theih a nih loh thu leh, BJP hruaitute a kawm \hin chhan chu aman a hriat chian a rin thu te, BJP hruaitute kawmngeihtu chu Trinamool Congress \hian a nih theih loh thute a sawi. Mukul Roy-a hi Railways Minister hlui a ni a, sorkar mi pawimawh, BJP hruaitute zingah Piyush Goyal, Suresh Prabhu, Finance minister, Arun Jaitley, Home minister, Rajnath Singh leh BJP national president, Amit Shah nen pawh an inkawm fo nia hriat a ni. Tun thla ni 13 khan Mukul Roy hian President, Ram Nath Kovind pawh a hmu nia hriat a ni bawk.