Tripura Chief Minister Biplab Kumar Deb chuan Ningani khan an state-ah mi 24 kai thar an awm tih a puang a, heng mite hi Ambassa-a BSF 86th Battalion mite an ni a, nizan khan case thar 30 hmuh belh leh a ni a, an zinga 25 te chu 86th Battalion BSF mi tho an ni a, mi 4 chu 138th Battalion mi an ni a, pakhat chu truck driver a ni.
Hetihlai hian Assam-ah pawh covid-19 kai an pun belh zel a, hri kai zawng zawng chu mi 59 an tling tawh a, mi 34 enkawl dam an ni tawh a, mi 1 a thi a, mi 24 enkawl mek an ni.
Meghalaya-ah chuan West Garo Hills District-ah vawiin a\ang khan inkharkhip pawhsei a ni a, tun thla ni 17 thleng a awh ang.
Inkharkhip chhung hian zirna in zawng zawng khar chhunzawm a ni ang a, amaherawhchu, zirtirtuten online-in zirlaite an zirtir dawn a ni. Sakhaw hmunte pawh khar chhunzawm zel tur a ni a, vantlang hmunah mi 5 aia tam awm khawm khap a ni bawk.
All India Radio Shillong chuan tun thla ni 11 a\ang khian zirlaiten in lama lehkha an zir theih nan zirtirna a tichhuak \hin dawn a, DDK Shillong pawhin Class IX a\anga class XII thleng zirlaite tan Thawh\anni a\anga Pathianni inkarah zirtirna tihchhuah a tum bawk.
