Trump-a’n North Korea nuai chimiha a vau vangin a man pek tur a sang hle dawn- Kim Jong Un

0
680
views

US President, Donald Trump-a’n North Korea nuai chimiha vauna thu a sawi avangin, a man a p>k tur a sang hle dawn niin North Korea ram hruaitu, Kim Jong-un-a’n a sawi a, Donald Trump-a chu rilru buai, mi ä nia sawiin, a thusawi avang hian North Korea-in nuclear ralthuam neih ve a tum chu thil dik tak a ni tih a pawm nghet sauh niin a sawi. North Korea hian engemaw lai a\ang khan missile chi hrang hrang a en chhin fo a, khawvel dodalna pawisa lovin nuclear ralthuam pawh vawi 6 a en chhin tawh a ni. Puan tawh angin, North Korea Foreign Minister, Ri Yong-ho-a chuan Trump-a thusawi hi ui bauh nen a lo tehkhin tawh a, a thusawi avang hian North Korea hian a duh phawt chuan Pacific tuifinriat-ah pawh hydrogen bomb a en chhin thei nia sawiin, an ch>t dan tur erawh chu Kim Jong-un-a thup>k ang zel a nih tur thu a sawi a ni. Pacific tuifinriat-ah hydrogen bomb hi en chhin a nih chuan, a nghawng a rapthlak thei hle dawn nia hriat a ni a, a bul hnaia thlawhna leh lawngte pawh a chhe nasa thei hle dawn niin an sawi.