Tuialhthei man sang chho chak lutuk thunun turin tun maia hmalak dan tur leh hun rei deuh chhunga hmalak dan tur sorkarin a ngaihtuah

Tuialhthei man sang chho chak lutuk thunun turin tun maia hmalak dan tur leh hun rei deuh chhunga hmalak dan tur sorkarin a ngaihtuah tih Oil Minister Dharmendra Pradhan a’n a sawi. Diesel leh Petrol man chuan tunah hian ramchhunga a man san ber \um a thleng chho mek a, eptu party te chuan Prime Minister Narendra Modi kaihhruai sorkar chu nasa takin an sawisel a ni. Vawiin khan Petrol leh diesel man chu litre khatah pawisa 19-31 inkarah a pung chho leh a, Delhi ah chuan petrol litre khat Rs. 77.47 leh diesel Rs. 68.53 a kai chho tawh a ni. khawvel huapa tuialhthei thlitfiam loh man sang chho zel bakah Central leh state sorkar ten chhiah an lak san avangin Petrol leh Diesel man hi a sang chak hle a, chhiah belhkhawm hi zaa 40-50 vel lai a tling a ni. Maharastra Chief Minister Devendra Fadnavis chuan Central hmalakna-a GST hnuaia lungrual taka luhpui anih chuan petrol leh diesel man hi a tlahniam thei dawn niin a sawi a, Congress president Rahul Gandhi chuan petrol leh diesel man hi tih hniam thuai a nih loh chuan congress party chuan rampum huapa lungawi lohna lantir a tum tih a sawi. May ni 14 a\ang khan petrol man hi litre ah Rs. 2.84 leh diesel chu Rs. 2.60 in in a pung chho tawh a ni.