Tun kar tira Delhi hmarchhak lama buaina chhuakah khan Shiv Vihar venga school pakhat chu sawisak a ni a, school bungrua leh lehkhabu te halin midang beihna hmunpui atan school building hi an hmang zui a ni.

School beituten hian hrui hmangin school hung chhung hi an lut a, blackboard an tihkeh bakah, furniture leh library te pawh an hal a ni.

He school hi DRP Convent School niin, zirlai 1,000 vel an awm mek a ni.

School naupang examna hmachhawn tura kal te chu mipuiten an chimbuai hma-in an inthiarfihlim hman a, he school hi darkar 24 chhung a kang a, kang\helhtuten an bengkhawn hran lo nia sawi a ni.

Shiv Vihar hi buaina chhuah nasatna hmun ber a ni a, zirna in pathum vel buaina tichhuaktute hian an khawih chingpen a ni.