Tunhnaia sawi hlawh tak US Pennsylvania-a Roman Catholic puithiam thenkhatin kum 70 chhunga, naupang 1,000 chuang mipat hmeichhiat kawnga an lo khawih chingpen chungchangah Vatican-in ngaihdam a dil.

0
488
views

 

Vatican thupuangtu, Greg Burke chuan Roman Catholic-a thuneitu sang ber Holy See leh hotulu ber Pope Francis te pawhin he thil hi an ngai thutak hle tih a sawi a, mipuite rinna leh thlarau nghawng thei thil a nih avangin hetiang pawikhawihna hi a thlen tawh loh nan ram leh sorkarte’n inkaihhruaina dan an neih chu zawm a ngai tih a sawi.

Pennsylvania-a thil thleng hi Grand Jury chuan thawhlehni kalta khan a puangzar a, an chhui chian hnuah kum 70 chuang puithiam 301-in naupang \hahnem tak an lo khawih chingpen tih hriatchhuah a ni a, Burke chuan he thil thleng hi dan bawhchhiatna nasa tak a nih thu leh, pawikhawihtute hian an mihring puite zahawmna leh rinna an phatsan bakah, nasa takin an rawk a ni a ti a, hetiang thil \ha lo a\ang hian in zir an ngaih thu leh pawikhawihtu leh pawikhawih thei tura remchang siam saktute chu hrem ngei an ni tur a ni a ti bawk.