Justice Rajan Gogoi, Navin Sinha leh KM Joseph te chuan he thubuai chungchangah petition thehluttu, ML Sharma-a’n lehkha pawimawh thehluh tur dang a neih vanga ngaihtuah chhunzawm lo an nih thu an sawi a, ML Sharma hian a hma pawhin a hrisel \hat tawk loh chhuanlamin thubuai hi ngaihtuah chhunzawm rih loh a lo dil tawh tih an sawi bawk a ni.
He thubuai ah hian ML Sharma chuan ram pahnih sorkar-te indawrna-ah hian Parliament biak rawn a nih loh vangin ram danpui a kalh niin a sawi a, a thubuai-ah hian PM Narendra Modi leh Defense Minister hlui leh Goa CM ni lai Manohar Parrikar leh sumdawng Anil Ambani bakah France ram company Dassault-te laka thubuai dang siam theih dan tur a dil tel nghal bawk a ni.
