Tunlai thil thleng thup bo nan sorkar laipuiin Facebook buaina a hmang niin Rahul Gandhi-a’n sawi

0
732
views

Tunhnaia ngaihven hlawh tak, Facebook leh Cambridge Analytica-in a neitute phalna la hmasa loa data a hman chungchanga BJP-in Congress a inrawlh ve nia a sawi chu tunlai thil thleng thup bo tumna niin Congress President, Rahul Gandhi-a’n a sawi. Puan tawh angin Union IT Minister, Ravi Shankar Prasad chuan Facebook a\anga data la chhuaktu company, Cambridge Analytica chu Congress-in a be rawn fo niin a lo sawi tawh a, hei hi an party thupuangtu, Randeep Surjewala chuan inpuh chhiat tumna a nih thu leh, Cambridge Analytica an la chhawr ngai loh thu-in vawiin khan a chhang a ni. Rahul Gandhi chuan tun dinhmuna ramin buaina a tawh tharlam ber chu Iraq rama India mi 39 thi-te kha an nih thu leh hemi thup bo tum hian sorkar laipui chuan Congress chu Facebook data put ru nen inzawmna nei angin a sawi a ti a, hei hian an buaina tawn thar chu a hliahkhuh hneh hle niin a sawi bawk a ni. India rama Cambridge Analytica thawhpui, Ovleno Business Intelligence, OBI chuan an website-ah BJP, Congress leh JDU hruaitu, Nitish Kumar-te pawhin an lo chhawr tawh niin a tarlang ve thung a ni.