Tûr hmanga enthlatu thin hrai chungchangah UK leh US ten Russia dem rawn

Russia enthlatu, ram dang tana Russia enthla leh chhawngtu \hin, Sergei Skripal leh a fanu, tûr hmanga hrai chungchangah, UK chuan Russia a inrawlh ngei nia sawiin, a chhanletna atan an rama Russia sorkar palai 23 a hnawtchhuak. British PM Theresa May chuan Russia palai a hnawhchhuah bakah hian ram pahnih inbiakna a titawp rih bawk a ni. US chuan UK thutlukna chu a thlawp thu leh, Russia thiltih dan a chhanlet dan chu awm a tih thu a sawi ve nghal a, White House thupuangtu, Sarah Sanders chuan Skripal te pafa beih an nih dan chu tunhmaa Russia thil tih \hin dan nen pawh inzul hlea an hriat thu leh, ram dangte thuneihna zah lo leh kalphung ngaihthahna lian tak nia an hriat thu te a sawi bawk a ni. Puan tawh angin Sergei Skripal hi Russia tana enthlatu a ni \hin a, British tan Russia hi a enthla ve leh chhawng a, UK Salibury-ah a khawsa zui a, tun thla ni 4 khan Salisbury-a dawr pakhat kawtah a fanu nen hian nikhaw hre loa hmuh an ni a, tûr hmanga hrai an ni tih hmuhchhuah a ni a, a tira bawihsawmtu police-te pawh he tûr vang hian damdawiina enkawl an ngai hial a ni. Anmahni hrai nana tur hman hi Russia siam, hriatna thazam ti chhe thei Novichok a ni tih British PM hian a sawi a ni.