Turkey Court-in kum hnih kaltaa an ram sorkar paihthlak tumnaa inhnamhnawih mi 72 dam chhung lungin tang turin thiam loh a chan tir

0
404
views

Thiam loh changte hi Istanbul khawpuia lei pakhat hnehchhuh tute zingah an tel a, khatih laia an buainaah khan mi 34 an thi a, an zingah hian Turkey sipai Major leh Colonel pakhat pawh an tel ve a, he’ng mi 72 bakah hian midang 27 chu kum 15 lungin tang turin a ti bawk a ni. Puan tawh angin kum 2016 July ni 15 khan Turkey sorkar paihthlak tum a ni a, khatih laia President Recep Tayyip Erdogan chu tunhnai lawkah khan thlan tlin leh a ni nghe nghe a, chawlhni lo awm turah hian sorkar paihthlak tumtute laka hnehna an chan ni lawm turin an inbuatsaih mek a ni. UN Human Rights thuneitute chuan buaina chhuak vang khan Turkey sorkar hian mi 160,000 vel a man tawh niin a sawi a, heng zingah 77,000 chu thubuai siam sak an nih tawh thu leh lung ina hren mek an nih thu, Turkey Interior Minister chuan a lo sawi tawh bawk a ni.