Turkey hruaitu hlun Recep Tayyip Erdogan chu kum 5 dang atana thlan tlin nawn leh a ni

0
388
views

Turkey hruaitu hlun Recep Tayyip Erdogan chu kum 5 dang atana thlan tlin nawn leh a ni a, President thlanna thawhkhatna ah hneh taka thlan tlin a ni. Erdogan hian vote zawng zawng deuh thaw chhiar zawh tawhah zaa 53 vel zet a hmu phak a, amah hnaihtu ber Muharrem Ince chuan zaa 31 chauh a hmu phak a ni. Heti hian thuneihna thar nen ro a rel dawn ta a, nikum lamah khan mi tam tak sawiselna karah Prime Minister post chu nuaibo a lo ni tawh a ni. Ince chuan inthlanna-a vote thlak dan chu a dik lo hle niin a sawi. Inthlanna result kimchang chu Zirtawpni khian puan a ni ang. Erdogan hian sum leh pai dinhmun sawhnghetin hriselna lamah leh hmasawnna ruhrel din kawngah hna a thawk nasa hle a, hetihlai hian amah dodaltute a dim loh avang leh mi 160,000 zet Jail-a khung an nih avangin a lakah mipui ngaihdan a phir hle thung. An party Hqrs Ankara khawpuiah thu sawiin hnehna a chan chu khua leh tui mi maktaduai 81 te hnehna a ni a ti.