Turkey President Recep Tayyip Erdogan chuan chanchinbumi, Jamal Khashoggi-a’n Istanbul-a Saudi Arabia sorkar pisa, Consulate atanga a chhuah leh chhuah loh finfiahna tlangzarh turin Saudi Arabia sorkar a phut.

0
474
views

 

Khashoggi hi tun thla ni 2 khan Saudi Consulate-ah hian thu zawhfiah tura koh a ni a, a chin hriat zui tur a awm loh avangin Turkey thuneitute an thin a rim hle a, a chin an chhui kawnga an thlawpna phut tur leh thu zawtfiah turin Turkey Foreign Ministry chuan Saudi palai pawh Pathianni khan a lo ko tawh a ni.

Khashoggi hi Saudi lal ram sawiseltute zing ami leh Washington Post-a thuziak \hin a ni a, Turkey lam thuneitute chuan amah that tur hian Saudi chuan mi 15 a chah lut niin an sawi a, he puhna hi Saudi lam chuan a pha thung a ni. Turkey chuan he thil hi a chhui mek a, Saudi Consulate pawh hi police-te chuan nimin lamah khan luh phalna an dil tawh a, phalsak an nih leh nih loh hriat theih a la ni rih lo a, Erdogan-a’n Consulate-a video camera vuahin thla a lak te tlangzarh tura a tihna chu Saudi palai, Prince Khalid bin Salman chuan Khashoggi-a’n an pisa a tlawh \um hian video camera te hi a thawk lo tiin a chhang a ni.