Typhoon Hato-in Hong Kong leh Macau bial nuai

0
870
views

Thlipui na tak, Typhoon Hato-in vawiin khan Hong Kong bial a nuai a, thlawhna thlawk tur 400 chuang thulh a nih bakah sumdawnna hmunpui, zirna in leh pisa hrang hrang khar a ni a, thlipui hian Hong Kong ral lehlama Macau bial pawh a nuai a, mi 3 vel an thi tawh a, mi dang pahnih chin hriat lohin an awm nia thu dawn a ni. Typhoon Hato avang hian nasa takin tui a fawn a, vaukam hnaiha awmte tan phei chuan a hlauhawm tham nia sawi a ni. Hong Kong mithiamte chuan tuifinriat pawh metre 5 zetin a san belh thei niin an sawi a, thlipui hi darkar khatah km 155 vela chakin a tleh a ni. Macau sorkar thuchhuah sawi danin, mi pathum, kum 30, kum 45 leh kum 62 mi chu ruah sur nasa leh thlipui tleh avanga chetsualnaah an thi a, mi dang pahnih chin hriat lohin an awm bawk a, Typhoon Hato hian Macau kawlphetha pekna a tihchhiat avangin generator hmangin eng pek chhuah a ni.