He thlipui hi darkar khata km 180 na in a tleh a, eng pekna tihtawp vek a ni a, Japan Meteorological Agency chuan tuilian leh leimin nasa tak a thlen a ring a, mipuite inralring turin a hriattir a ni.
Vawiin chawhnu kha Tokyo khawpui chu Higibis-in a nuai vangin Rugby World Cup leh Formula One intlansiakna te cancel a ni a, \um dangah neih tura sawn hlat a ni.
Japan Meteorological Agency-in thlipui tleh tur a puan lawk avang hian chhiatna thlen theihna hmun, hmun him lova chengte chuan an chenna an rauhsan a, hmun \henkhatah chuan ei leh in tur te mipuiten an la khawm lawk a, heng hmunah te hian dawr leh thil siamna hmunpui inhawng hmuh tur an awm lo va, thlawhna leh rel service zawng zawng tihtawp lailawk a ni bawk.
Tokyo khaw chhak lam Chiba-ah tornado tlukpui thli a tleh mek a, hei hian chenna in tam tak leh lirthei tam tak a ti chhia a, mitthi engemawzat an awm a. Hetihlai hian tuipuiah thli hi a la inmun mek bawk a ni.
