U.S Secretary of State Mike Pompeo-a’n China Sorkar chu U.S chanchinbumi Hong Kong-a thawk mekte hna-ah inrawlh an tum niin a hria a, Hong kong mahni-a ro a inrelna Beijing in a nek chep a nih chuan U.S in Hong Kong dinhmun a thlir dan a nghawng buai thei tih a hrilh.

0
40
views

US chanchinbu mite hian zalenna an nei a, an thuthar lakkhawmte chuan China ram mipuite leh khawvel an ti bengvar a ni a ti. Kum 1997 khan Britain in Hong Kong hi China hnenah a pe let leh a, hetihlai hian kum 50 chhung chu Hong Kong hian mahni-a ro in rel theihna dinhmun sang tak a nei a ni.

Pompeo chuan May ni 6 khan State Department chuan Hong Kong in China Sorkar thu lovin, mahniin ro a in rel thei em tih zir chianna channa chu a tikhawtlai tih a puang a. Ram pahnih te hian thla liam ta khan inthungrulh nan an thuthar lakhawmtute an lo inhnawhchhuah sak ve ve tawh a, coronavirus darh atang khan ram pahnihte inkar hi a tha lo tan a ni.

Pompeo hian China hi chiang takin sawisel lo mahse a thusawi hi Beijing in America chanchinbumi 10 chuang a an ram atanga a hnawhchhuah a chhan letna a ni.