UK-a khualzinte phurtu thlawhna service pakhat, kum 178-a upa Thomas Cook chuan sum lamah harsatna a tawk a, a sum mamawh phuhrukna tura US dollar maktaduai 250 peipunna tur a hmuh theih loh avangin a tluchhia tih puan a ni.

0
373
views

UK Civil Aviation Authority chuan Thomas Cook nena sumdawnna kawnga an thawh dunna chu chhut chah nghal a ni tih a puang a, mahni rama haw tur British 1,50,000 velin harsatna an tawk a ni.

Thomas Cook Chief Executive, Peter Fankhauser chuan a thawhna company tlu chhe ta mai chu pawi a tih thu a sawi a, company-in ba a rulh fel thuai chu thil tih ngei ngei tur a ni a ti a, an company dawrtu mi maktaduai chuang leh hnathawktu zawng zawngte chungah ngaihdam a dil nghal bawk a ni.

BBC Transport Corr. Tom Burridge chuan chawlh hmanga zin mi 16,000 te chuan Thomas Cook kaltlangin an haw lehna tur thlawhna ticket an book a, Thuneituten mi 14,000 velte haw na turin thlawhna a hranpa ruahman theih an inbeisei a ni, hetih rual hian sorkar chuan khualzinte haw na turin jet 45 a hawh sak a ni.

Thomas Cook tluk chhiat avang hian UK-a thawktu mi sing 9 tiamin khawvel pumah thawktu mi 22,000 in an hna an chan a ni.