UK-a pawl pakhatin Britain-a chhiah pek te tichingpenin Pakistan leh Afghanistan-a mifirfiakte \anpui nan an thawn \hin tih hmuhchhuah a ni.

0
322
views

He pawl hi London, Buckinghamshire, Birmingham, England hmar-thlang lam leh Scotland-ah an inbun a, Britain-a piang Asia ram mi an ni hlawm a, an sum tihchingpen zaa 1 hi Pakistan leh Afghanistan-a Al-Queda pawl \anpui nan, Islam zirna in, mifirfiakte training pekna camp leh thil dang atan an thawn \hin nia hriat a ni a, kum 20 chhungin pound mtd 80 an thawn tawh nia hriat a ni, heng an sum thawn \henkhat hi kum 2011-a US sipaite’n an thah hma khan Al-Qaeda hotu Osama bin Laden-a chenna in te pawh a thleng niin an sawi a, Pakistan-a politician te nen inkungkaihna \ha tak an nei tih hmuhchhuah a ni bawk.

He pawl mi te hian UK sorkar department hrang hrang luhchilhin tualchhung politician \henkhatte pawh an lo hmin tawh a, Her Majesty’s Revenue and Customs te chuan he pawl hian National Insurance number rukchhuah leh siam danglamte chu record phuahchawp siam nan an hmang a, dan loa ram chhunga hnathawkte thlem thluin an sum hi an tichingpen \hin tih an sawi a ni.
He pawl-a thuneihna laihawl neitute chu mi buma sum tihchingpen vangin thiam loh chantir an ni a, kum 100 lung ina tang turin an chungthu rel a ni a, UK-a Crown Prosecution Service te chuan he pawl hotute hi dan anga hrem an nih hma chu kimchang taka he thubuai chungchang hi puanzar theih a la ni rih lo tih an sawi.