UK PM thupuangtu: Britain sorkarin EU hnena dollar tld 400 pek inhuam anga an sawi chu an hriatpui lo

0
917
views

Britain-in European Union a chhuahsanna tur, Brexit chungchang buaipuina kal zelah, UK PM Theresa May-i thupuangtu chuan media thenkhatin EU chhuahsan nan Britain sorkarin EU hnena dollar tld 400 vel pek a hnial lo anga an sawi chu an hriatpui loh thu a sawi. Britain chuan EU hnenah hian sum engzat chiah nge pek a inhuam la sawi ri lo mah se, dollar 60,00,00,00,000 vel EU-in a beisei dawn ni a sawi a ni a, PM thupuangtu sawi danin, Pi May-i chuan UK leh EU inkarah hian inremna mumal leh inbuk tawk tak siam a nih tur thu chiang takin a lo sawi tawh a, sum sen tur zat pawh hi sawi fel a nih hma chu hriat theih a ni lo a ni. Puan tawh angin, Britain chuan EU a chhuahsan dan tur chungchangah hian EU nena indawrna hun kum 2 tling lo hret a la nei a, hetih chhung hian inremna hrang hrang siam a ngai dawn a, kum 40 chuang politics, sum dinhmun leh dan lama an lo inthlunzawm tawhna chu thiah a ngai dawn a ni.