Ukraine President Volodymyr Zelenskyy-a’n an ram thlawhna Iran in a kahthlak chungchangah thil awmdan dik tak fiahfai taka chhui chhuah a phut thu leh Iran chu zangnadawmna pe tura a phut thu a sawi.

Ukraine thlawhna, passenger phur hi Iran in tihpalh thila kahthlak a ni tih a sawi chian hnuah Ukraine President hian Iran chu thlawhna tlak dan kimchang taka chhui tura a intiam an phut thu te, a mawhphurtute dan rorelna hmaa hruai an phut thu te, mitthi ruang an rama thawn let an phut thu te, zangnadawmna pek an phut thu te leh ram leh ram indawr dan kalphung pangngaia ngaihdam dilna an siam a phut thu te a sawi a, thlawhna tlak dan kimchang chhuinaah mithiam 45 an tirhte chuan engkim an khawih theihna tura zalenna pek a phut tih a sawi.