Kum 2022 ah chuan loneitute thar chhuah a leta tih pun tum a ni tih Finance Minister Nirmala Sitharaman-i chuan a sawi a, budget chu mipuite sum leh pai dinhmun chawi kanna tur a ni a ti. Budget ah hian district 100-a tui humhalhna kawnga hmalakna tur pawh tarlan a ni a, agricultureal credit chu cheng vbc nuai 15 ah tih pun a ni a, loneitu mi nuai 20 tan ni zung chakna hmanga tui pump-na siamsak tum a ni bawk.
Loneitute’n an ram bua tawh leh ram ruakah te ni zung chakna siam chhuak-a an hralh chhuah theih dan tur pawh budget ah hian tarlan a ni a, sangha khawi lamah \halai tam zawk an inhman theihna tur ruahmanna siam a ni bawk.
Finance Minister Sitharaman-i chuan Kissan Rail bul\an a nih tur thu leh hei hi loneitute thar chhuah thlai chhe hma chi te phurh zung zungna tura ruahman a nih thu a sawi a, Civil Aviation ministry chuan ram chhung leh ram pawn lama thlai thar phurhna tur Krishi UDAN a kalpui dawn tih a sawi a, hei hian hmarchhak bial leh tribal awmna district-ah te hmasawnna a thlen beisei a ni a ti a, NABARD hnuaia hmalakna pawh a huam ti zauin kum 2020-21 chhungin cheng vbc nuai 15 ruahman a ni a ti.
