Union Health Ministry-in darkar 24 chhungin coronavirus kai thar mi 3,722 an awm a, thi 134 an awm tih a sawi.

0
342
views

Tun dinhmunah ram chhunga coronavirus kai tawh zawng zawng chu mi 78,003 an tling tawh a, mi 26,235 an dam tawh a, mi 2,549-in an thihpui a ni.

Sorkar laipuiin a tarlan danin coronavirus kai enkawl dam tawh chu za zela 33.63 a tling a ni.

Prime Minister’s Citizen Assistance leh Relief in Emergency Situation, PM CARES-a sum lut cheng vbc 3,100 chu coronavirus vanga harsatna sutkian nan hman a ni dawn tih sorkar laipui chuan a puang a, he sum a\ang hian cheng vbc 2,000 chu ventilator lei nan dah a ni ang a, cheng vbc 1,000 chu hnathawka inhlawh, hmundanga awm, harsatna tawkte \anpui nan hman a ni dawn a, cheng vbc 100 chu hri venna damdawi siam nan hman a ni ang.

Hetihlai hian sorkar laipui chuan middle class zinga harsatna tawkte \anpuina tur pawh a puang a, Tax Deducation at Source chu heng mite tan hian za zela 25-in tihtlem a ni dawn a, statutory provident fund-a sum chhun tur chu hnathawka mi ruaitute leh hnathawka chhawrte tan za zela 10-in tihtlem a ni ang tih sorkar laipui chuan a puang bawk.