Union Home Ministry-in thla nga kal ta chhung khan Police officer pathumte Gallantry Award dawn tawh a chhuhsak

0
362
views

Union Home Ministry-in thla nga kal ta chhung khan Police officer pathum chu hnathawk \ha chawimawina, Gallantry Award dawn tawh a chhuhsak a, hengte hi Punjab police Sub-Inspector Gurmeet Singh, Jharkhand police Sub-Inspector Lalit Kumar leh Madhya Pradesh police Additional Superintendent of Police, Dharmendra Choudhary an ni a, dan bawhchhiatna leh hlemhletna thilah an inhnamhnawih nia sawi a nih avangin, Police tihmingchhiaah puh an ni. Punjab police Sub-Inspector Gurmeet Singh-a hi kum 1997 khan Gallantry Medal pek a ni a, mahse 2006 khan tualthah thubuaiah thiam loh chantir a nih avangin he chawimawina hi hnuh kir a ni a, dam chhung lung in tang tura tih a nih thu, sorkar laipuiin kum 2015 July thla khan a hriat hnuah, Punjab police-in hei hi a nemnghet a ni. Jharkhand police Sub-Inspector, Lalit Kumar-a pawh a thil tih dan chhuina thup>k siam a nih avangin kumin June thla khan chawimawina a dawn tawh chu hnih kir a ni a, puan tawh angin, Madhya Pradesh Additional SP, Dharmendra Choudhary-a pawh a chawimawina dawn chhan hi lemchanna leh inkahna phuahchawp nia hriat a nih avangin, thla hmasa khan chhuhsak a ni.