United Arab Emirates atanga Myanmar-a kir hlim mi 6 ten COVID-19 an kai tih finfiah a ni.

0
51
views

Heng mi 6 te hi Yangon a mi vek an ni a, tun thla ni 10 khan UAE atangin relief flight in an kir a, quarantine lai vek an ni. An vai hian mipa vek an ni a, a nuapang ber chu kum 24 mi niin a upa ber chu kum 42 mi a ni.

Ministry of Foreign Affairs sawi danin tun thla ni 10 khan Myanmar mi leh sa 148, UAE a awmte chu harsatna an tawh avangin relief flight in Myanmar ah an hruai kir an ni a, an zing a mi hmeichhia kum 34 mi leh kum 60 mi chu ni 19 khan hri an kai tih finfiah a lo ni tawh a, UAE atanga kir te zinga mi 8 in hri an kai tih finfiah a ni tawh a ni.

Tun kar tirah khan Malaysia atanga Myanmar a kir leh mi 180 te zingah hri kai mi 14 an lo hmuchhuak tawh bawk a ni.

Myanmarah hian COVID-19 kai mi 201 an awm mek a, mi 108 enkawl dam an awm a, mi 6 an thi tawh a ni.

Bangladesh ah pawh hri kai thar zat hi an pung zel a, sing2, sang 8,511 in an kai tawh a, mi 5,602 enkawl dam an awm tawh a, mi 408 in an thihpui tawh a ni.