UAE hian nimin khan Mathhew Hedges hi a ngaidam a, Britain ram tana enthlatu M16 mi leh sa nia an inpuanna nia sawi, video tape chu \anchhanah hmangin UAE hian thiam loh a chantir a. Britain erawh chuan ram enthlatua puhna hi thu dik lo a ni tih sawiin, UAE in a ngaidam ta chu lawmawm a tih thu a sawi.
Hedges hi kum 31 mi a ni a, Durham University-a zir chhuak a ni a, May ni 5 khan UAE hian Dubai International Airport ah a man a ni. A chhungte chuan Hedges-a hi a zirbingna kawnga UAE-a kal anih thu sawiin, thil hriat sual palh vang liau liauin man a tawk ta niin an sawi. Britain chuan Hedges-a chhuah tur hian na takin a nawr a, ram pahnih inlaichinna pawhin a tuar chho hman a, hetiang boruak karah hian UAE chuan ngaihdam a nih thu a puang ta a ni.
