UNSC-in Iran ram chungchangah thutkhawm hmanhmawh ko

0
488
views

UN Security Council chuan Iran ram chungchang sawihona tur, \hutkhawm hmanhmawh, zaninah hian koh a tum a, America chuan Iran sorkar dodala pung khawmte thlawp turin UN hi a ph<t a ni. UN Security Council member ramte chu Iran chungchangah hian an lungrual dawn lo hlea ngaih a ni a, Thawhlehni khan America chuan Iran chungchang sawiho hi a rawt tawh a, US palai, Nikki Haley chuan, Iran rama thil thleng chu mipuite chanvo bulpui khawih nia sawiin, khawvel muanna leh himna thlenga nghawng nei thei niin a sawi. Iran ram Interior minister chuan an ram dinhmuna lungawi loten pun khawm an huaihawtah mi 42,000 vel an tel niin a sawi a, mi 21 an thi tawh a, mi za tam tak man an ni tawh bawk a, he pun khawmna ep nan hian sorkar thlawptu lam an pung khawm ve bawk a, anni hian America chu Iran mipuite fuih pawrhah an puh a ni.

Iran sorkara Prosecutor General, Mohammad Jafar Montazeri chuan America sorkara CIA mi pakhat chu Iran sorkar laka lungawi lohna lantir dan tur ruahmantu ber niin a sawi a, UN-a Iran palai, Ambassador Gholamali Khoshroo pawhin Security Council President hnenah Nilaini khan lehkha thawnin, US President, Donald Trump-a’n twitter hmanga thil a sawite chu Iran mipuite buaina thlentu leh fuihpawrhtu niin a sawi bawk a. America erawh chuan Iran rama thil thlengah hian engti zawng mahin a inhnamhnawih lo nia sawiin, President Trump-a hian Iran mipuite a fuihpawrh lo a, Iran sorkara ei r<kna leh hlemhletna hluar lutuk avanga lungawi lohna lantirtute chu a thlawp thu a sawi mai niin a sawi.