United Nations Security Council-in North Korea hr>k belh a remti a, hei hi China pawhin a thlawp a ni. Puan tawh angin, North Korea hi a missile leh nuclear program a chawlhsan duh loh avanga hr>k belh tur a ni a, a hr>k dan tur pawh hi United States duan a ni a, North Korea mi, an ram tana sum thawk chhuak tura ram danga hnathawka awmte pawh thawn haw vekna tur a ni. He thu hi UN Security Council member ram 15-in lungrual takin an pawm a, US President Donald Trump-a chuan UN thuchhuak chu lawmawm a tih thu sawiin, khawvel hian thihna ni loivin, muanna a duh tih tihlanna niin a sawi. North Korea ram, na lehzuala hrekna turah hian North Korea ramin tuialhthei thlitfim sa a lak luh \hin pawh zaa 90 vel tihtawpna tur a tel a, hei hi hi thla hlui ni 29-a North Korea-in khawmualpui dang kap phak, US leh South Korea pawh kah theihna a en chhin vanga ruahman a ni a, kum 2006 a\anga UN-in North Korea hrekna thu a pass 10-na a ni ta a ni. September thla khan UN hian North Korea ramin tuialhthei thlitfim sa a lak luh \hin chu kum khatah barrel mtd. 2 aia tam lo ni rawh se, tih a pass a, tunah phei hi chuan kum khatah barrel nuai 5 chauh a la l<t thei tawh dawn a ni. A tirah phei chuan United States hian North Korea mi sing tam tak, ram danga hnathawkte chu kum khat chhunga hnawhchhuah vek a rawt a, heng zinga a tam ber chu Russia leh China rama thawk an ni a, mahse Russia-in a sawisel avangin kum hnih emaw nghah leh rih a ni dawn ta a ni. Hemi chungchang sawihonaah hian China leh Russia chuan North Korea thil tih dan chu an dem a, mahse tharum thawh lova sawi fel hram dan zawn zel \ha an tih thu an sawi a ni.
Chanchin Thar UNSC-in N.Korea hrek belh remti
