UP-a Doctor lemin syringe thianghlim lo a hman vangin mi 33 velin HIV hrik kai

0
648
views

Uttar Pradesh-ah Doctor lem pakhatin syringe thianghlim lo hmangin mi 33 aia tlem lo HIV hrik a kai tir nia sawi chu thuneituten an chhui chiang mek. Doctor lem hian hritlang ti dam thei nia insawiin, a damlo te hi syringe pakhat chauh hmangin a chiu \hin nia sawi a ni a, he thil thlenna hmun nia sawi Unnao district chu central lama mithiamten tlawhin thil awm dan an zirchiang dawn tih Indian Express News Paper chuan a tarlang a ni. He doctor lem hian inchiu vawi khatah hian cheng 10 zel damlo te hi a chawi tir nia sawi a ni a, hetihlai hian a chhuichiangtu tura ruat zinga mi, Dr Tanymay Khakkad chuan hriau thianghlim lo a\anga HIV hrik kai theihna chu zaa 0.3 chauh a ni tih a sawi thung. Sorkar buatsaiha thisen test runpui buatsaih a\angin HIV hrik pai mi 33 te hi hmuh chhuah an ni a, Superintendent of Police Choudhary chuan heng mite zinga \henkhat chuan hriau pakhat hmangin doctor lem hian a chiu hlawm ngei tih an sawi a ni a ti a, Police te chuan man tumin an zawng mek a ni. Uttar Pradesh Health Minister Sidharth Nath Sing chuan helai biala motor lian khalhtute zingah HIV hrik pai an tam avangin hei hi a chhan a ni zawk thei a ti a, hetihrual hian Licence nei si lova mi chiu ve ringawt \hin, man chhuah an awm chuan an chungah dan anga hremna lek kawh a ni ang a ti.