UP-a Gorakhpur khuaa damdawi inah naute 16 an thi leh

0
306
views

UP-a Gorakhpur khuaa Raghav Das Medical College Hospital-ah darkar 24 chhungin naute 16 an thi leh a, an zinga 10 chu nausen an ni. He damdawi in hotute sawi danin, an zinga 10 chu nau piang hlimte enkawlna, Neonatal Intensive Care Unit-ah dah an ni a, a dang 6 chu naupang ICU-ah dah an ni. Heng nausen leh naute te hi thluaka khawsik l<t avanga he damdawi in pan an ni nual hlawm a, he damdawi inah hian he natna vei, mi 40 deuhthaw enkawl mek an ni. Raghav Das Medical College Hospital-ah hian August thla tirah khan chawlhkar khat chhungin nausen leh naute 63 an lo thi tawh a, hei hi oxygen supply a khaihlak vang nia sawi a ni a, hemi kaihhawihah hian mi 9 lakah FIR thehluh a ni a, an zingah hian oxygen an lakna \hin company hotu leh he BRD Medical College Principal pawh hi an tel a ni. Doctor-te chuan, tun hnaia thihna hi chu oxygen tlakchham vang emaw, enkawlna \hat loh vang leh thil dang vang emaw ni lovin, an natna a khirh em vang niin an sawi.