UP-ah chanchinbu mi pakhat kahhlum a ni

0
424
views

Uttar Pradesh-a Kanpur district-a Bilhaur khuaah chanchinbu mi pakhat, Naveen Gupta chu tu tih hriat lohin an kap hlum tih police-te’n an sawi a, Hindi chanchinbu lar, Hindustan-a thawk, kum 35 mi, Gupta-a hian a nupui leh a fapa kum li mi a kalsan a ni. Police-te sawi danin, Gupta-a hi nizan dar 7 vel khan a unaupa dawr a\anga a chhuah hnuah kah hlum a ni a, a ruang an endikna a\anga a lan danin vawi nga vel an kap nia hriat a ni. DGP, Sulkhan Singh chuan Kanpur police-te chu he tualthahna hi chhui chhuak a, a rang thei anga bera misualte hi man nghal turin a ti a, he thil thleng hian ram chhunga chanchinbu mite dinhmun derthawnzia leh him lohzia a tilang thar leh nia sawi a ni a, khawvel ram hrang hranga Press mite zalen dan tehna, World Press Freedom Index, 2017-ah pawh khan India chu a hnufual pawl a la ni a, ram 180 zingah 136-na a ni a, Myanmar ai pawhin a la hniam zawk a ni.