UP BJP MLA lakah pawngsual thubuai ziak

0
331
views

Uttar Pradesh-a BJP MLA, Kuldeep Singh Sengar-a lakah pawngsual thubuai ziah luh a ni ta. Puan tawh angin Kuldeep Singh hi hmeichhe pakhatin amah pawngsual-ah leh thubuai ziak lo tura police-te hmin-ah a puh a, thubuai ziah tir tuma nikum June thla a\anga an lo beih tawh thu te leh, an beih zui zel vanga a pa pawh Kuldeep Singh-a unaupa, Atul Singh Sengar-a leh a \huihruai mi pali-in nasa taka an sawisak thu te, hemi chungchang pawh police-te hriattir an tum thu te leh a pa zawk hi police-te’n an man thu te a sawi bawk a ni. Pawngsual tawktu pa hi police-te hr>n a nih laiin Thawh\anni khan damdawi inah a thi a, he thubuai bikah hian Atul Singh-a hming hi sawilan tel ni mahse, police-te’n thup an tum tih Thawhlehni khan hriatchhuah a ni a, a thurualpui-te nen man an nih tawh bakah, hum tumtu police \henkhat pawh an hna a\anga chawlhtir an ni tawh a ni. Kuldeep Singh hi nizan khan Lucknow-a police hotu in-ah motor 20 vel inzui tirin a kal a, chanchin thar lakhawmtute hma-ah man turin a inpe dawn nia thu a than vanga Police Officer chenna in hi pan a nih thu a sawi a, dan bawhchhiat nei lo nia a insawi bakah, pawngsualtu-a puh a nihna a pha leh bawk a ni. Kuldeep Singh-a thiltih dan hian mi dem a hlawh hle a, Uttar Pradesh sorkar pawhin a thiltih vang hian a lakah thubuai ziak lut turin police-te a hriattir bakah, a thubuai zawng zawng CBI-te kuta hlan turin a ti bawk a, pawngsual thubuaia Kuldeep Singh hum tumtu nia hriat doctor pahnih an hna a\anga chawl turin a tih bakah kut inthlak chungchang thubuaiah, damlo hnena enkawlna fumfe p>k loh vangin doctor dang pathum chhui chiang turin a ti bawk a ni.