Lori Daybell kum 46 mi hian November thla khan police ten Idaho-a thu an zawhfiah hnuah Hawaii a pan a, police te chuan naupangte chungah hian thil \ha lo tak a thleng nia an ngaih thu an sawi.
He thubuai danglam takah hian mi pathum thihna a inhnamhnawih a, Daybell-i hi sakhaw lam kaihhnawih pawl pakhat, Isua lo kal lehna lam buaipuitute zinga tel a ni.
Lori Daybell-i hi a pasal Charles Vallow chu a unaupain a kahhlum hnuah Arizona a\angin Idaho ah August thla khan a pem a, November thla khan a fa te pi leh pu te chuan police te be pawhin an tu te dinhmun ngaihven sak turin an ngen a, police ten an chhuinaah kum 7 mi JJ Vallow leh kum 17 mi Tylee Ryan te chu September thla hnuah an chin hriat a ni tawh lo tih an hre chhuak a ni.
Daybell-i hian police te zawhna dik lo tak takin a chhang a, police ten thu an zawhfiah hnuah Idaho-a a chenna hi a chhuahsan a, police ten an dap zuinaah In bula bungraw dahkhawmna inah naupang thawmhnaw leh infiamna hmanrua te an hmu chhuak a ni.
Police te chuan thil awmdan an la chhui chiang mek a ni.
