US-a Wine Country-ah ram kang avangin mi 10 an thi

0
389
views

US-a California state hmar lama bial pakhat, uaiin-a siam tur grep chinna hmunpui, Wine Country-ah ram kang avangin mi 10 an thi a, in leh thil dang eng emaw zat a chhiat bakah, mi 20,000 velin an awmna hmun an chhuahsan a, helai bial leh a chhehvelah hian emergency puan nghal a ni. California Governor, Jerry Brown-a chuan he Wine country-ah hian emergency a puang a, a sawi danin, kang mei chhuak hi a nasa hle a, ram kang hi an la \helh mih theih loh avangin helai hmun hnaiha cheng, mi sang tam tak chu sawn chhuah an ngai a ni. Wine Country thuneitute chuan Mendocino county-ah mi 1, Napa county-ah mi 2 leh Sonoma county-ah mi 7 an thi tih an sawi a, grape huana thawkte chu thlawhna hmanga phurh chhuah an ni. Pathianni zana he kangmei chhuah chhan hi hriat a la ni lova, thli a nat avang leh, boruak a ro em avangin ram kang hi a nasa zual hle nia sawi a ni.