US California-a kangmei chhuak mek pahnih, Carr Fire leh Ferguson Fire thelh mih theih a la ni lo a, tun tuma kangmei chhuak hi California hun tawn tawha a nasa ber a la ni.

Carr Fire leh Ferguson Fire-te hian ram acre 283,800-a zau a kang chhe tawh a, a darh zau zel tur ven mek a ni a, za zela 30 vel chu meikawng sial a ni tawh a, tun kar chho lamah boruak a daih deuh an beisei vangin nasa zawka beih an tum tih thuneitute chuan an sawi. Carr Fire hi thla hmasa ni 23 khan a in\an a, mi 7 an thih phah tawh bakah chenna in sangkhat vel tiamin in 1600 a kang chhe tawh a, a nasat zual tak tak lai phei chuan meialh hi \hawngaleivir angin van lamah a invawrh chho nasa hle a tih kang\helhtute chuan an sawi.