Puan tawh angin Camp Fire hi ni nga chhung lekin kangmei thil ti chhe nasa ber te zing ami a tling nghal a, in 6,500 awmna, Paradise khua chu a kang chhe vek a, America hmun hrang hrang a\angin kang\helhtu 5,100 chuangin \helh tumin an bei mek a, thuneitute chuan ruang \henkhat chu a kan nasat em avangin an nihna pawh DNA hmanga zawn chhuah a ngaih thu leh, mihring ruang zawn thiam, ui pawh an hman a ngaih \an tawh thu an sawi bawk a ni.
California chhim laah pawh hian kangmei nasa tak, Woolsey Fire tia hriat a darh mek bawk a, Camp Fire nen hian a len zawng chu inang vel mahse thil a la tihchhe tam lo a, thi pahnih an awm tawh a, chenna in 27- vel a tichhe tawh a, in chhe zingah hian zaithiam lar Miley Cyrus-i in bakah lemchan thiam Gerard Butler-te in pawh a tel a ni.
