US Health and Human Services Secretary, Thomas Price bang

0
431
views

United States sorkara Health and Human Services Secretary, Thomas Price-a chu President, Donald Trump-a duh dan angin nimin khan a bang. Price-a hian sorkar thila zin veivahna atan mimal thlawhna, man to tak taka a hman \hin avangin tun hnaiah sawisel a hlawh nasa hle a, President Trump-a pawhin hei hi \ha a tih loh thu a sawi hnu darkar khat lekah, Price hi a bang tih White House chuan a puang a, a ai lo awh lailawk turin, Deputy Assistant Secretary for Health ni lai, Don Wright chu ruat a ni. Ningani kal ta khan Price-a chuan May thla a\anga a thlawhna hman man zawng zawng, US Dollar nuai li vel chu a mimal pawisaa a rulh leh vek tur thu a sawi na-in, President Trump chuan ram mipui, chhiah chawi \hinte an hlawk zawkna tur ngaihtuah a nih laia hetianga thlawhna lo hman chu \ha a tih loh thu leh, tun hnuah chuan sorkar hotute tan, sorkar senso-a mimal thlawhna hman khap \haa a hriat thu a sawi a ni.

President Donald Trump-a cabinet-a mi dang pathum pawh an thlawhna hman dan en zui mek a ni a, political news website pakhat, Politico hmuh dan phei chuan, Tom Price-a thlawhna hman man hi dollar mtd. 1 vel a ni.