US Holocaust Memorial Museum-in Aung San Suu Kyi chawimawina tangkapui hnuk kir

0
417
views

US Holocaust Memorial Museum-in Myanmar civil sorkar hruaitu, Aung San Suu Kyi hnena Elie Wiesel chawimawina tangkapui a lo hlan tawh chu vawiin khan a hnuk kir leh. He chawimawina tangkapui hi kum 2012 khan Suu Kyi hnenah hian pek a ni a, Myanmar ram mipuite zalenna leh zahawmna humhim tura huaisen taka an ram rorelna a dodal avang leh a inpekna te avanga chawimawi an nih thu Museum hian a lo sawi tawh a, an hnuhkir leh chhan chu Rohingya Muslim hnam tlem zawkte laka Myanmar sipai sorkar-in tharum a thawh chungchanga Pi Suu Kyi hnathawhte an duhkhawp loh vang a ni tih an sawi leh ta a ni. Museum hian Pi Suu Kyi-i lehkha a thawnah, kum 2016 leh 2017-a Rohingya mite beih an nih chungchangah, mihring dikna leh chanvo humhalh kawnga an chhuanvawr ber te zing ami in, sipai-te chet dan dem emaw, an beihpui thlak tihtawp tumin emaw hna a thawh loh avangin leh, Rohingya mite dinhmun an tawrhpuina lantirna atan, Elie Wiesel chawimawina tangkapui an lo hlan tawh chu an hnukkir leh ta a ni tih an hrilh a ni.