US-in India hnena drone hralh a tum vangin Pakistan lungawilo

0
555
views

US-in ral a\anga thunun theih thlawhna te chi, ralthuam phur thei India hnena hralh a remti mai thei nia a sawi avangin, Pakistan a lungawi lo hle. Pakistan Foreign Office thupuangtu Nafees Zakaria chuan India-in ralthuamte hi a hman sual a hlauh thu leh ramri pela inbeihna a thlen theih avangin, ram pahnih inkar tichhetu a ni thei dawn niin a sawi a, thlawhna te chi hi India-in a lei dawn a nih pawhin, hetiang chi ralthuam lei leh hralh endik tura ram hrang hrang intel khawm, Missile Technology Control Regime-in enfiah zel se an duh thu a sawi a ni. Zakaria chuan tun hnaia an ram tlawha zin, US Secretary of State, Rex Tillerson-an ramri chungchanga buaina an nei nia a sawi chu an hnial loh thu sawiin, US leh India inkar \ha chu an ngaimawh kher loh thu leh, China emaw Pakistan emaw ngaih theih loh avanga inthurual ni kher lo se an duh thute pawh a sawi a ni.