US-in North Korea hrek belhna tur chhuah leh, a sâwt loh chuan pawi hle dawn tih US President-in sawi

0
323
views

US chuan North Korea hrek belhna tur a chhuah leh a, hei hi a sâwt lo a nih chuan a pawi hle dawn tih US President Donald Trump chuan a sawi a ni. He dan tharah hian mi pakhat bakah company 27 leh sumdawng lawng 28 hrek a ni a, hei hi North Korea-in a ruka lungalhthei hralh leh tuialhthei a lakluh tihtawp tumna a ni tih US Treasury Department thuchhuah chuan a sawi a ni. Puan tawh angin North Korea hian nuclear ralthuam pai thei, US pawh kap phak, missile eng emaw zat a enchhin tawh a, hemi avang hian Donald Trump chuan North Korea hrekna mai ni lova tharum hmanga North Korea beihah te pawh a lo vau tawh thin a ni. US-in North Korea hrekna thar a chhuahah hian China, Hong Kong, Taiwan leh Singapore-a firm-te pawh telh an ni a, US khawih phak china an sum te khawih chet theih loha hren a nih bakah US khua leh tui nen an indawr khap a ni bawk a ni.