US-in Syria a chhan dan tur ruahmanna la siam lo

0
738
views

Chemical ralthuam hmanga inbeihna thleng vanga Syria lam hawia missile kah chhuah a tum thu US President Donald Trump-a’n sawi mahse, ruahmanna engmah siam a la ni lo tih White House-in a sawi. White House thupuangtu, Sarah Sanders chuan Syria chhang tur hian duhthlan tur eng emaw zat Trump-a’n a neih thu leh zir chian mek a nih thu a sawi a, kha inbeihna thleng kha Trump chuan Russia leh Syria sorkar-te mawh-ah a ngaih thu leh Twitter lama Trump-a’n missile kap chhuak nghal mai tur anga a insawi vangin harsatna a awm lem lo niin a sawi bawk a ni. Trump hian nimin khan Twitter-ah Russia chu Syria lam hawia kah chhuah missile te lo kapthla tura a intiam avangin, inralring turin a ti a, chemical ralthuam hmang \hin leh mahni ram mipuite ngei that duh nen inthurual lo turin a ti bawk a ni.