Nikuma nuclear deal a\anga an inhnuhdawh hnuah US chuan Iran bungraw hralhchhuah engemawzat a hrek a, Nuclear deal hi Iran leh ram dang te inremsiamna a ni a, he inremna hnuaiah hian ram dang te hrekna laka a him theih nan Iran hian nuclear bomb siamna uranium tihchangtlun lam a chawlhdan a, hei hi US chuan duh tawk lovin Iran hian nuclear deal huam chhung piah lamah nuclear ralthuam siam reng reng a tih tawp theih nan Iran hi a nawr niin a insawi.
Donald Trump-a chuan kar hmasa lama indo a duh loh thu a lo sawi tawh hnuah Iran hian Middle East-a US sangawizawnpuite a bei a nih chuan na taka chhanlet a ni ang tih a sawi a, Iran chu US nena inrem a inpeih hnuah US nen inbiakna neih theih a ni chauh ang a ti a ni.
Iran chuan US hi nuclear deal a\anga a inhnuhdawh chhung chu inremna siampui a tum loh thu a sawi thung a, Rouhani chuan Iran a vau hnua indo a duh loh thu a sawi leh si chu a hriatthiam loh thu sawiin, mi vau hmang hnuaiah Iran chu engtikah mah a kun dawn lo tih a sawi a ni.
