US Leh Russia ten Deir ez-Zor an beihna-ah civil mi 39 thi

0
470
views

Syria rama Russia leh US kaihhruai \angrual sipaiten
Deir ez-Zor khawpui an beihna-ah nimin khan civil mi 39 an thi niin Syrian Observatory for Human Rights chuan a sawi. He Observatory hotupa, Rami Abdul Rahman chuan thi zingah hian naupang 7 an tel tih a sawi a, ram pahnih indo thlawhna te hian Deir ez-Zor bakah hian ISIS mi firfiakte inkulhna, Mayadeen khawpui pawh an bei tel niin a sawi. Deir ez-Zor khawpui daidangtu, Euphrates luipui chhak lamah pawh US thlawp, Syrian Democratic Forces sipaite leh Kurdish sipaiten ISIS mi firfiak pawlte hi an bei mek a, \angrual sipaite hian khawpui chhim lam-a mi firfiakte tlanchhiatna tur dan tumin ram lak belh zel an tum thu an sawi. Syria ram tualchhung buaina kum 2011-a a in\an hnuah, thi zawng zawng hi mi 3,30,000 an tling tawh nia chhut a ni a, heng zingah hian sorkar sipai leh hel pawl sipaite inbeihnaa thi te pawh chhiar tel vek a ni.