US nawrna vangin Pakistan sorkarin Hafiz Saeed man leh

0
348
views

United States nawrna avangin Pakistan sorkarin mi firfiak, Hafiz Saeed chu a man leh a, Lahore High Court thup>k anga chhuah a nih a\anga chawlhkar khatah he mi firfiak, Mumbai-a mi 166 thihna thlentu, pawi khawihna rapthlak taka bul tumtu nia ngaih hi man a ni leh ta niin Times Now-in a sawi. Chhuah a nih hnu lawk khan US sorkar chuan he thil hi a ngaihmawh thu leh, Saeed-a hi man leh a, a pawi khawih avanga thubuai siamsak tur nia a ngaih thu, Pakistan sorkar hi a hrilh a, sorkar b^kah America rama mi langsar leh pawl pawimawh tak tak pawhin Pakistan hi an nawr a, Pakistan chu America thawhpui ramte zing a\anga paih tur nia an ngaih thute an sawi hial a ni. US State Department pawhin thuchhuah siamin, Hafeez Saeed-a chhuah a ni chu \ha lo a tih thu leh, mana thubuai siamsak a ph<t thu a sawi a ni. US sorkar thuchhuah chuan, kum 2008 May thlaah khan US State Department chuan Saeed-a hi khawvel huapa mi firfiakah a lo puang tawh tih a sawi a, US Council on Foreign Relations President, Richard Haass-a pawhin heti chunga America sorkarin a thawhpui zinga Pakistan a la telh reng chu mak a tih thu a sawi hial a, Pakistan hian kum tam tak chhung, Taliban leh mi firfiak dangte a hum tawh tih sawiin, heng zingah hian lu man dollar mtd. 10 nei, Saeed-a pawh hi a tel niin a sawi. Hemi hma hian ram himna lama US sorkar mi chhuanvawr, Bruce Riedel-a pawhin Pakistan hi US thawhpuia ngaih tawh tur a ni lo, a ti bawk a, Lahore High Court thuchhuak hi Pakistan finance ministry hotute pawhin hnialin, chhuah a nih chuan sum leh pai leh ram dangte nena inlaichinna kawnga ram tana harsatna thlentu tur niin sawi mah se, Lahore High Court hian a bengkhawn duh lo a ni.