US nen 2+2 Dialogue neih a\anga kar khat a liam hnuah, inremna ziah tawhte bawhzui turin National Security Advisor Ajit Doval-a’n Washington a tlawh.

0
422
views

 

Doval hian vawiin khan US State Department Headquarter, Foggy Botton-ah Secretary of State Mike Pompeo a hmu nghal a, US National Security Advisor John Bolton leh Department of Defense thuneitute a la kawm dawn bawk a, a cham chhung hian Afghanistan leh Pakistan chungchangte leh a firfiaka chetna dodal kawnga hnathawh dan tur te an sawi beisei a ni a, kum thar lama US President Donald Trump-a lo zinna tur vel pawh an ruahman \an beisei a ni bawk. State Department thupuangtu Heather Nauert chuan India chu US \hian \ha ber te zing ami a nih thu chanchinthar lakhawmtute hmaah a sawi leh a, Nauert hian 2+2 Dialogue neih \um khan Mike Pompeo \awiawmin New Delhi-ah a lo kal tawh a ni.

Puan tawh angin 2+2 Dialogue neih zawh takah khan Finance leh Defence thila thawhdunna tur inremna, Communications Compatibility and Security Agreement COMCASA chu ziah a ni a, Trump pawhin kum thara Republic Day lawmnaa khuallian tura PM Narendra Modi-a’n a sawmna pawh a pawm tawh a ni.