Trump-a paihthlak tuma a thuneihna hmang suala puhnaah Senate chuan vote 52-48 hmangin thiam a chantir a, vote 53-47 hmangin Congress dodala thil tia puhnaah thiam a chantir bawk.
Trump hi Democrats chuan nikum December thla khan a khingpui Joe Biden-a a hneh theih nan hmala tura Ukraine nawrah an puh a, Senate chuan America ram President 45-na chu Ukraine a dawr vang maia a pisa a\anga paihthlak chu a tum lo nasa hle a ni. Democrat te chuan Trump chu a thuneihna hmang suala Ukraine sorkar nawrah an puh a ni.
Trump hi US President paihthlak tum zinga a pathumna a ni a, kum 1999 khan Bill Clinton chu paihthlak tum a lo ni tawh a, kum 1868 khan Andrew Johnson pawh paithlak tuma beih a lo ni tawh a, President, Richard Nixon chu paihthlak tuma an beih hma-in President a nihna chu a bansan a ni.
