US president Donald Trump-a paihthlak tumna thubuai chu ngaihtuah \an a ni dawn ta a, impeachment trial tia sawi hi Trump-a paih theihna tur a nih laiin a ngaihtuahna tur Senate hi Trump-a party Republican te thunun a nih avangin a tlang zo ang em tih erawh hriat a ni rih lo thung.

Donald Trump-a hi Democratic party te thunun House of representatives ah a thuneihna hmangsuala puh a ni a, President thlanna November thlaa neih turah a tlin nawn leh theihna tura a khingpui tur zinga mi Joe Biden-a phiarru ah puh a ni. Joe Biden-a leh a fapa hi Ukraine sorkar-a tuialhthei sumdawnna lamah inhnamhnawihna nei an ni a, Joe Biden-a chhui anih theihna turin Trump-a hian Ukraine President chu a nawr nia sawi a ni a, a nawrna hmanruaah Ukraine hnena US in ralthuam \anpuina a pek tur dollar maktaduai tam tak hu chu hreng khawtlaiah Trump-a hi puh a ni.