US President Donald Trump an hun laklawh inthlanna neih turah campaign beihpui a thlak a khar a, a hnu khar nan hian hmun thumah campaign beihpui a thlak a ni.

0
477
views

 

Mid Term election neih hun hi Trump-a hian a term chanve a hman hun nen a innang a, kum 2 lo awm leh tur chhunga a hnathawh dan tur a hril dawn a ni. House of representatives ah seat 435 leh Senate seat 100 a\anga 35 ah te inthlanna hi neih tur a ni a, state 50 zinga 30-a Governor turte pawh thlan chhoh mek a ni. Democratic Party tana campaign beihpui thlaktu President hlui Barack Obama chuan US hmalam hun kal zel tur chu mipuiten vote hmanga an rel tur a ni a ti. Mid Term election hian US rorelna house pahnih thununtu tur a ti chiang dawn a, Republican lamin hnehna an chan chhunzawm chuan President Trump-a ruahmanna te bawhzui zel theih a ni ang a, Democratic lam an che \ha a nih chuan Trump-a ruahmanna siamte an hnial thlak theih dawn bakah an duh ang zawngin an kuai her thei dawn a ni.