US President Donald Trump-a’n Taliban nena inbiakna tihtawp a nih thu a puan hnuah Taliban hruaituten Russia ram hruaitute an kawm.

0
368
views

Taliban aiawhte hian Russia sorkar hotu pawimawhte an kawm ngei tih hi an thupuangtu Suhail Shaheen chuan a nemnghet a, Afghanistan tana Russia palai hna thawk mek Zamir Kabulov nen thil awmdan an sawiho tih a sawi.

An inkawmnaah hian Russia chuan US leh Taliban te inbiakna chu chhunzawm leh ngei \ul a tih thu a sawi a, Taliban aiawhte pawh hian US nena inbiak chhunzawm leh chu an duh dan anih thu an sawi ve bawk a ni.

US leh Taliban ten remna zawnga inbiakna an neih hi nikum October thla a\anga bul \an a ni a, Afghanistan-a kum 18 chhung indona tihtawp dan tur dapa inbiakna hi \um 9 neih hman a ni a, US palai Zalmay Khalizad chuan tun thla tir lam khan a thuphunga inremna an nei tawh tih a puang nghe nghe a ni. Hetihlai hian US President Donald Trump-a chuan Pathianni kalta khan Camp David hmuna Afthan President Ashraf Ghani leh Taliban hruaitute nena inbiakna neih leh tur chu \hulh a ni tih a puang thut a. Kabul-a car bomb tihpuah vanga inbiakna hi \hulh a ni tih Trump-a hian a sawi.